ҚР Төтенше жағдайлар министрлігінің «Қазселденқорғау» мекемесінің Шығыс Қазақстан облыстық бөлімшесі хабарлағандай, 14 қаңтар күні сағат 11:00-де облыстық маңызы бар «Өскемен-Самар» автожолының 95-102 шақырым аралығында қар көшкінін алдын ала түсіру жұмыстары жүргізіледі.

Мамандар бұл шараны көктемгі қар еру кезеңінде болатын табиғи апаттардың алдын алу және жол қауіпсіздігін қамтамасыз ету мақсатында ұйымдастырып отыр.

Қар көшкінін түсіру кезінде жол қозғалысына уақытша шектеу қойылады. Жолда жүрушілерге мұқият болуға және қажетті қауіпсіздік шараларын сақтауға кеңес беріледі.