ҚР Төтенше жағдайлар министрлігіне қарасты «Қазселденқорғау» мекемесінің Шығыс Қазақстан аймақтық басқармасы филиалының ақпаратына сәйкес, 2025 жылғы 13 қаңтар күні сағат 10:00-де "Өскемен-Самар" облыстық маңызы бар автокөлік жолының 132-137 км учаскесінде қар көшкінін профилактикалық түсіру жұмыстары жүргізіледі.  

Бұл шара жол қауіпсіздігін қамтамасыз ету және қар көшкіндерінің табиғи түрде түсуін болдырмау мақсатында қолға алынуда. Жұмыс барысында жол учаскесінде уақытша көлік қозғалысы тоқтатылады.  

Жүргізушілерден алдын ала қозғалыс бағыттарын жоспарлап, жол қызметтері мен құзырлы органдардың нұсқауларын сақтауды сұраймыз.  

Қауіпсіздік ережелерін сақтау – әрқайсымыздың амандығымыздың кепілі.