"Қазгидромет" ШҚ филиалының ақпараты бойынша, 18 қаңтарда Шығыс Қазақстан облысының солтүстігі мен шығысында қар жауады. Сонымен қатар, бұрқасын мен көктайғақ болуы мүмкін. Жел оңтүстік-шығыстан оңтүстік-батысқа ауысып, солтүстік және шығыс аудандарда жылдамдығы 15-20 м/с-қа жетеді, деп хабарлайды Altainews.kz тілшісі.

Өскемен қаласында бұрқасын мен көктайғақ күтіледі. Оңтүстік-шығыстан соққан жел оңтүстік-батысқа ауысып, түнде екпіні 15-18 м/с-қа дейін күшейеді.

ШҚО ТЖД тұрғындарды ауа райының қолайсыздығы кезінде сақтық шараларын қатаң ұстануға шақырады. Елді мекендерден тыс жерлерге сапарға шықпау ұсынылады.