"Қазгидромет" ШҚ филиалының мәліметінше, 8 қаңтарда облыстың солтүстігі мен оңтүстігінде күндіз кей жерлерде қатты қар жауады. Түнде батыс, солтүстік және оңтүстік аймақтарда, ал күндіз облыс аумағында бұрқасын болады. Шығыс және оңтүстік аймақтарда тұман түседі. Жел оңтүстік-шығыстан оңтүстік-батысқа ауысып, батыс пен солтүстікте жылдамдығы 15-20 м/с-қа дейін жетеді. Өскемен қаласында күндіз бұрқасын болып, желдің екпіні 15-18 м/с-қа дейін күшейеді.  

Құтқарушылар жүргізушілерге қыс мезгіліне сай жабдықталған көліктермен ғана жолға шығуға кеңес береді. Елді мекендерден тыс сапарға шықпас бұрын, көлікте сүйрейтін арқан, жанармай қоры, күрек, қол шам, алғашқы медициналық көмек қобдишасы, жылы киім және азық-түлік болғаны маңызды. Жолда жылдамдық режимін сақтау керек.  

Төтенше жағдай туындаған кезде "112" нөміріне қоңырау шалыңыз.