– Білім мен ғылым саласы да құрылтай назарынан тыс қалмады. Жоғары білім беру сапасын арттыру, жас ғалымдарды гранттармен және тұрғын үймен қамтамасыз ету мәселесі де күн тәртібіне көтерілді. Қазіргі уақытта ғылымды коммерцияландыру – басты мақсаттардың бірі. Осы бағытта Шығыс Қазақстан университетінде 100-ден аса ғылыми жоба жүзеге асырылуда. Оның бірқатары – мега-гранттар аясында қолға алынған бастамалар.
Сондай-ақ, Мемлекет басшысы Қасым-Жомарт Тоқаевтың су тапшылығы мәселесіне қатысты айтқан ескертулері аясында ШҚУ ғалымдары су тазартуға арналған арнайы фильтрлер жасаумен айналысуда. Бұл жоба 2025 жылдың тамыз айынан бастап іске қосылады деп жоспарланған. Ғылыми негізде дайындалған сүзгілер ауызсудың сапасын арттыруға бағытталған, – деді С. Аманжолов атындағы ШҚУ ректоры Мұхтар Төлеген.