– Құрылтайға қатысушылар түрлі салалар бойынша өз ұсыныстарын білдіріп, білім беру, мәдениет және әлеуметтік саясатқа қатысты тың идеялар айтты. Бұл – ел тағдырына немқұрайлы қарамайтын азаматтардың белсенділігін көрсетеді. Ең бастысы – құрылтайда айтылған мәселелер барша қазақстандықтарға ортақ. Сондықтан да біз, қоғам болып, осы түйткілдердің шешімін бірлесе іздеуіміз керек.
Бүгінгі таңда құрылтайда ұсынылған идеялар мен бастамалардың шынайы өмірге енгізілуі аса маңызды. Олар әр отбасының, әрбір азаматтың өмір сапасын арттыруға бағытталған. Сондықтан осы форумда айтылған бастамалар болашақта нақты іске асып, халқымыздың әл-ауқатын жақсартуға үлес қосады деген сенім мол, – деді ол.