– Бүгін Бурабайда өткен ұлттық құрылтайдың төртінші отырысы – мен үшін аса маңызды оқиға болды. Жалпы, тарихшылар үшін құрылтай – ел тарихында ерекше орын алатын маңызды жиын. Онда тек елдік деңгейдегі мәселелер ғана емес, қарапайым халықтың көкейінде жүрген түйткілдер де көтеріледі.
Менің ерекше назар аударған тұсым – Президенттің тәрбие мен білімді бір-бірінен бөліп қарауға болмайды деген ұстанымы. Бүгінде біз көбіне ғылым мен әдістемеге бет бұрып, тәрбиенің маңызын екінші орынға ысырып барамыз. Алайда кез келген жастың болашағы – ең алдымен, оның бойына сіңірілген тәрбиеге байланысты. Жас ұрпақтың тілін, ой-армандарын, адамдық ұстанымдарын білу арқылы ғана біз адал, еңбекқор, білімге құштар азаматты қалыптастыра аламыз, – деді ол.