Шығыс Қазақстан облысында мұнай-газ кешені қызметкерлерін кәсіби мерекелерімен салтанатты түрде құттықтау рәсімі өтті. Мереке ресми түрде 7 қыркүйекте аталып өтеді. Алайда вахталық жұмыс кестесіне байланысты мұнай-газ саласының мамандарын арнайы күтіп, лайықты марапаттарын табыстау шешімі қабылданды, деп хабарлайды Altainews.kz тілшісі.

ШҚО әкімі Нұрымбет Сақтағанов құттықтау сөзінде мұнай-газ саласы өкілдерінің еңбегінің ерекше маңызын атап өтті. Мамандардың жұмысы өңірдің энергетикалық әлеуетін дамытып, экономиканы нығайтуға және халықтың тұрмыс сапасын жақсартуға ықпал етеді.

Сондай-ақ әкім «QAZAQGAZ AIMAQ» өндірістік филиалының жұмысына ерекше алғыс білдірді. Компания Зайсан ауданындағы он елді мекенді тұрақты газбен қамтамасыз етіп отыр. Іс-шара барысында саланың үздік өкілдері марапатталды. Облыс әкімінің алғыс хатымен:

• Аслан Қуанбекұлы — жерасты газ құбырларын пайдалану және жөндеу слесары;
• Серікбек Қызыр — электрогазбен дәнекерлеуші;
• Дулат Болатұлы Садуақасов — апаттық-қалпына келтіру жұмыстарының слесары.

KAZENERGY қауымдастығының Құрмет грамотасы газбен жабдықтау және сату қызметінің маманы Елдос Сайлаубекұлына табысталса, «Атамекен» ҚР Ұлттық кәсіпкерлер палатасының Құрмет грамотасы электрогазбен дәнекерлеуші Ерасыл Бақытханұлына берілді. Сондай-ақ «QazaqGaz Onimderi» ЖШС Бас директорының Құрмет грамотасымен кәсіпорын жүргізушісі Еркін Иманов марапатталды.

Фото: ШҚО әкімдігі баспасөз қызметі