Қазақстанда жыл сайын қыркүйектің бірінші жексенбісінде Мұнай-газ кешені қызметкерлерінің күні атап өтіледі, деп хабарлайды Altainews.kz тілшісі.

Биыл мереке қазақстандық мұнайдың 125 жылдығымен тұспа-тұс келеді. 1899 жылдың күзінде елімізде алғашқы мұнай өндірген Қарашүңгүл кен орны ашылды.

Мұнай-газ өнеркәсібі – Қазақстан экономикасының өсуіне елеулі үлес қосатын аса маңызды жүйе құраушы сала, ал мұнайшылардың қажырлы еңбегі мемлекеттің энергетикалық әлеуетін нығайтуға ықпал етеді.