Буров және Новаторлар көшелері абаттандырылып, жол сақинасы салынады, деп хабарлайды Алтайньюс тілшісі.

Бұл туралы Өскемен әкімінің қортынды есептік кездесуінде айтылды.
 Zoom-дағы онлайн жиында тұрғындар тарапынан «Буров көшесі жақта балалармен серуендеуге арналған алаңқай болса» деген өтініш айтылды. Қала әкімі Жақсылық Омар аймақ басшысы Даниал Ахметовтың  тапсырмасы бойынша аталмыш көшелерді абаттандыру жоспарға енгізілгенін айтты.

– Қазір жоба дайындап жатырмыз. Буров және Новаторлар көшелерін абаттандырып, ортаға бульвар сақинасын салуды жоспарлап отырмыз. Бұл жұмыстарға алдағы жылы кірісеміз, – деді Өскемен әкімі Жақсылық Омар.