«ADAL» партиясы атынан Мәжіліс депутаттығына кандидат Мақсат Толықбай мен Ләззат Шыңғысбаева, сондай-ақ партия өкілі Нұрлыбек Мұқанов Маңғыстау облысы Ақтау қаласының жұртшылығымен кездесті.

Бұл туралы ҚазАқпарат партияның баспасөз қызметіне сілтеме жасап хабарлайды. Кездесу барысында партия өкілдеріне Ақтау қаласынан келген көпбалалы ана жүгініп, отбасы ауыр шығындарға түскеніне шағымданды. Кездесудің тағы бір қатысушысы кішкентай балаларының болуына байланысты жұмысқа орналасу проблемасын көтерді. Тағы бір көпбалалы ана басқа қатысушыларды қолдап, мемлекет тарапынан қолдаудың жоқтығына шағымданды.