Бір күнде онколог мамандар 150-ден астам тұрғынды қабылдады - ШҚО
ШҚО онкология және хирургия көпсалалы орталығында ұйымдастырылған ашық есік күні онколог мамандар 150-ден астам тұрғынды қабылдады.
Кез келген адам МӘМС жүйесіндегі мәртебесіне қарамастан, учаскелік терапевтің жолдамасынсыз-ақ онкогинеколог-дәрігерлерден білікті кеңес алды, деп хабарлайды Altaynews.kz тілшісі.
Онкогинекологтар тек тексеру жүргізіп қана қоймай, сонымен қатар әйелдердің жыныс органдарының онкопатологиясының алдын алу әдістері туралы айтып берді.
- Мұндай акциялардың ақпараттық маңызы жоғары, өйткені бұл - жатыр мойны қатерлі ісігінің алдын алудың бір тәсілі. Обырдың бұл түрі еліміздің әйел тұрғындарында жетекші онкологиялық патология болып табылады және онкологиялық аурулар құрылымында сүт безі қатерлі ісігінен кейін екінші орында тұр, - дейді орталықтың маммология және онкогинекология бөлімінің меңгерушісі Серік Мұхаметжанов.
Онкологиялық орталыққа сол күні келгендер мұндай іс-шаралар өте ыңғайлы екенін атап өтті, өйткені білікті дәрігерге жолдамасыз, алдын ала жазылусыз кірді.
Ашық есік күнін ұйымдастырғаны үшін онкологиялық орталық ұжымына алғыс айтқым келеді. Жеке өзім мұндай іс-шараларға үнемі қатысуды ережеге айналдырдым. Осындай тексерлерулер бізге денсаулығымызды сақтауға, ортақ жауапкершілікті сезінуге мүмкіндік береді , - деді өскемендік пациент Наталья Веселова.
Фото: Денсаулық сақтау басқармасы
Оқи отырыңыз
ШҚО-да 160-тан астам әйел онкологтардан тегін кеңес алдыОнкологиялық аурулармен дүниежүзілік күрес күніне орай Аягөзде ашық есік күні өттіОнкология және хирургия көпсалалы орталығы ашық есік күнін өткізеді - ШҚОӨскемен қалалық онкологиялық орталығында Ашық есік күні өтедіҚатерлі дерт: ШҚО дәрігерлері тегін тексерілуге шақырады
