KZ
Өскемен
-29°
туман Штиль
449.88 486.64 4.83

Бозанбайда республикалық бүркітшілер чемпионаты басталды

9.02.2024, 16:28 72 Қызырбек Дүргінбайұлы

ШҚО әкімдігі мен Ұлттық спорт федерациясының ұйымдастыруымен құсбегілердің ХVІІ республикалық чемпионаты басталды.

Бүркітшілер чемпионаты Ұлан ауданының Бозанбай ауылында өтіп жатыр. Түз тағыларының сайысында 60-тан астам бүркіт және 40-тан астам қаршыға мен ителгі сынға түсуде, деп хабарлайды Altainews.kz тілшісі.

Бозанбай ауылында қараша айында да бүркітшілер фестивалі өткен болатын. Осылайша биыл Ұлан жерінде құсбегілер екінші мәрте қырандарын сайыстырып жатыр. 

– Бүркітшілер чемпионаты Ұлттық спорт федерациясының ұйымдастыруымен Ұлан ауданының Бозанбай ауылында өтіп жатыр. Осы жолғы сайысқа құсбегілер 100 ден астам құстарын қатыстыруда. Қазір күн райы сәл қолайсыздық туғызып тұр деуге болады. Соған қарамастан сайысты бастап кеттік. Қортынды сайыс 11-і күні өтеді, – деді бас төреші Базарбек Күнтуғанұлы

Айта кетейік, бұған дейін ШҚО әкімі Бозанбай ауылында бүркітшілер орталығы ашылатынын айтқан еді. Сонымен қатар әлемге әйгілі бүркітші Айшолпан Нұрғайыпқызының отбасы да Бозанбай ауылына қоныс аударған болатын.



Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив