Студенттік орталықтарда 167 стартап пен бизнес-идеялар іске асырылуда
Фото: Freepik
Еліміздің 20 колледжінде жастар арасында «Идеядан табысты бизнеске дейін» жобаларын іске асыру мақсатында «Business Startup» студенттік орталықтары құрылды, деп хабарлайды Altainews.kz тілшісі.
ҚР Оқу-ағарту министрлігі баспасөз қызметінің ақпараты бойынша, қазір бұл орталықтарда 665 студенттің қатысуымен экономиканың түрлі бағыттары бойынша 167 стартап жүзеге асырылуда.
«Бұл студенттік орталықтар әлеуметтік серіктестерді тарта отырып, білім алушылардың кәсіпкерлік дағдыларын дамытуға және өз ісін ашуға мүмкіндік береді. 2028 жылға дейін колледждерде дәл осындай 100 орталық ашу жоспарланып отыр. 97 мемлекеттік колледж өздері шығарған тауарларды нарыққа шығарып сатуда, бұл олар үшін өз бетінше табыс табу мүмкіндігі», - деп атап өтті Техникалық және кәсіптік білім департаментінің директоры Әсет Мұханбетов.
Өңірлердегі «Business startup» орталықтары студенттердің стартаптары мен бизнес-идеяларын қолдау мен жүзеге асырудың алаңына айналып келеді.
Оқи отырыңыз
