Облыс орталығында бүгін таңертең, сағат 8:00 шамасында, кенеттен жарық өшіп қалды, деп хабарлайды Altainews.kz тілшісі.

Электр энергиясы көпқабатты үйлерде, Қазақстан, Горький көшелеріндегі кеңсе ғимараттарында (Республика алаңы ауданында) жоқ. Сондай-ақ Қазақстан мен Нұрмағамбетов көшелерінің қиылысындағы бағдаршамдар жұмыс істемей қалды.

«Біріккен ЭнергоСервистік компаниясы» АҚ деректеріне сүйенсек, трансформаторлық қосалқы станциядағы апат салдарынан жарық сөніп қалған.