Өскеменде Ұлттық ұлан қызметкері қызды судан құтқарды
Фото: «Шығыс» өңірлік қолбасшылығының баспасөз қызметі
Өскеменде Ұлттық ұланның әскери қызметкері Жанасбек Пермабек суға батып бара жатқан бойжеткенді құтқарып қалды, деп хабарлайды Altainews.kz тілшісі.
«Шығыс» өңірлік қолбасшылығы баспасөз қызметінің ақпараты бойынша, Өскемен қаласында еңбек демалысында жүрген 6699 әскери бөлімінің жауынгері Жанасбек Пермабек жолдасы Дәурен Тоқтағановпен бірге Үлбі өзенінің жағасындағы Протозанов көшесі бойында келе жатып, өзеннің арғы бетінде тал қармап, айғайлап көмек сұраған бойжеткенді көреді.
Іле-шала көлікке отырған екеуі Үлбінің арғы бетіне жедел жетіп, суға батып бара жатқан бойжеткені құтқарып қалды.
Айта кетсек, Жанасбек Ұлттық ұланда 2011 жылдан бастап қызмет етіп келеді. Әскери қызметкер «Шығыс» өңірлік қолбасшысының бұйрығымен марапатталатын болады.
