Жыл басынан бері ШҚО-дағы медициналық қызмет сапасына 900-ге жуық шағым түскен, деп хабарлайды Алтайньюс тілшісі.

• - Қор жұмысының басты бағыттарының бірі – халықпен кері байланыс орнату және пациенттердің құқығын қорғау. Жыл басынан бері бізге тұрғындардан 22 949 өтініш келіп түсті. Оның ішінде 889-ы – арыз шағым. Әр шағым бойынша тексеру жүргізіліп, тиісті шара қабылданды, - дейді ШҚО Әлеуметтік медициналық сақтандыру қорының басшысы Ғалымжан Әбілов.

Облыстағы медициналық мекемелерде науқастарға биыл 32 998 ота жасалған. Оның ішінде жоғары технологиялық ота саны – 184.