Катонқарағай ауданында "Олимп" клиникалық диагностикалық орталығының екі филиалы ашылатын болды, деп хабарлайды, Алтайньюс тілшісі. 
Бірі - аудан орталығы Үлкен-Нарында,  екіншісі - Катонқарағай ауылында. 
Бұл туралы ауданды дамыту қорының атқарушы директоры Серік Жүнісов айтты. 

- Наурыз не сәуір айынан бастап диагностикалық орталық біздің ауданда өз жұмысын жүргізеді. Тұрғындар қалаға сабылмай-ақ ауылда сапалы медициналық диагностикаға қол жеткізе  алады, дейді Серік Жүнісов.