«Қазгидромет» РМК 12-14 қыркүйек күндеріне арналған ауа райы болжамын жариялады.

Синоптиктердің болжамынша, алдағы үш күнде республиканың көп бөлігінде ауа райы құбылмалы болады, деп хабарлайды  Altaynews тілшісі.

12 қыркүйек күні Шығыс Қазақстан аумағында нөсер жаңбыр жауады.

Кей аймақтарда түнде қар аралас жаңбыр болуы мүмкін. Негізгі ауа температурасы күндіз батыста 18-25 градус, оңтүстікте – 22-30, оңтүстік-шығыста – 18-27, таулы аудандарда – 7-12 градус жылы болады.