Ауа райына байланысты дауылды ескерту жарияланды – ШҚО
ШҚО-да ауа райына байланысты дауылды ескерту жарияланды. Өңірде ертең жауын-шашын, көктайғақ пен қатты жел болуы мүмкін.
«Қазгидромет» ШҚ филиалының ақпараты бойынша 31 қазанда облыстың солтүстігінде, шығысында қатты жауын-шашын, қар жаууы ықтимал, деп хабарлайды Altaynews тілшісі.
- Облыстың солтүстігінде, шығысында тұман, көктайғақ күтіледі. Оңтүстік-шығыстан соғатын жел оңтүстік-батысқа ауысады, облыстың шығысында, оңтүстігінде, орталығында күндіз екпіні секундына 23-28 метрге жететін жел соғады, - дейді синоптиктер.
ШҚО ТЖД мамандары тұрғындардан дауылды ескертулерге немқұрайлы қарамай, мүмкіндігінше ұзақ сапарларға шықпау керектігін ескертеді.
- Егер қаладан, елдімекендерден алысқа шығу керек болса көлікті қысқа дайындап, дөңгелектерін ауыстыруды, өзіңізбен бірге жылы киім мен күрек, арқан алуды ұмытпаңыз. Жүргізушілер жылдамдық режимін, сақтық шараларын қатаң сақтауы керек, - дейді құқарушылар.
Егер қандайда бір төтенше жағдайға тап болсаңыз 112 арнасына хабар беріңіз.
Оқи отырыңыз
