"Қазгидромет" РМК 8 қарашаға арналған ауа райы болжамын ұсынды.

Синоптиктердің мәліметіне сүйенсек, антициклон сілемінің әсерінен республиканың солтүстігінде, шығысында, оңтүстік-шығысында күн жауын-шашынсыз болады, деп хабарлайды Altaynews тілшісі.

- Қазақстанның батысы мен оңтүстігінде циклондық желдің және атмосфералық фронттардың әсерінен жаңбыр жауады, республиканың солтүстік-батысында жауын-шашын (негізінен жаңбыр) болып, жел күшейеді, – делінген хабарламада.

Қазақстанда тұман түсіп, елдің оңтүстік-батысында шаңды дауыл тұрады.