Алтай ауданында өткен жылы 6 бос орындар жәрмеңкесі өткізіліп, 700-ден астам адам жұмысқа орналастырылған.

Бұл туралы Алтай аудандық халықты жұмыспен қамту орталығының директоры Берікжан Бекбусинов айтып берді, деп хабарлайды Altaynews тілшісі.

Алтай ауданында халықты жұмыспен қамту мәселесін шешу жолға қойылған. Мәселен, өткен 2022 жылы осы мақсатта бірнеше рет бос орындар жәрмеңкесі ұйымдастырылды.

Оның айтуынша, ауданда жұмысқа орналасуға ниетті тұрғындар үшін түрлі салаларда бос жұмыс орындары ашылды. Атап айтқанда, білім беру саласында 60-тан астам, ТҮКШ және абаттандыру саласында 30-дан астам; өндірістік салада – 27, көлік-логистика саласында – 15, медицина және фармацевтика саласында – 14, құрылыс және сәулет саласы мен ауылдық жерлердегі шаруашылық саласында 10 бос жұмыс орны бар.