Өскеменде тағы бір балабақша ашылды
Бүгін облыс орталығында жаңа балабақша ашылды. 150 орындық мектепке дейінгі мекемеге 2 жастан 6 жасқа дейінгі балалар қабылданады.
Жаңа балабақша мемлекеттік-жекешелік әріптестік ашылған. Қазіргі күні онда 27 бала қабылданып үлгерді, деп хабарлайды Altaynews тілшісі.
- Соңғы жылдары қаламызда балаларды мектепке дейінгі мекемемен қамту жұмыстары қарқынды жүргізіліп жатыр. Соңғы 2 жылды мемлекеттік-жекешелік әріптестік аясында 12 балабақша ашылды. Жыл сайын қалада 3 мыңнан астам бала дүние есігін ашады. Барлық бүлдіршіндер балабақшамен толықтай қамтылуы үшін әлі де жұмысты жалғастыра бермекпіз, - деді қала әкімі Жақсылық Омар.
Мектепке дейінгі мекемеде тәрбиешілерден басқа, балалармен психолог пен логопед жұмыс істейді.
- Балабақшаға қабылдау 19 қаңтар күні ашылды. Қазіргі күні 27 бала қабылданып үлгерді. Негізінен мекеме 150 балаға арналған. Айта кету керек, бұл инвестордың мемлекет қолдауымен ашып отырған үшінші балабақшасы, - дейді Өскемен қалалық білім бөлімінің басшысы Сәуле Алагөзова.
Оқи отырыңыз
