Ұстаз, журналист, публицист, жазушы, аудармашы, ғалым, филология ғылымдарының кандидаты, ҚР Жазушылар және Журналистер Одағының мүшесі, Мәдениет қайраткері Айтмұхамбет Қасымовтың мерейтойына арналған республикалық онлайн конференция өтеді, деп хабарлайды Altaynews тілшісі.

Шығыстың белгілі публицист-жазушысы 70 жасқа толды. Мерейтоға орай ұйымдастырылған конференцияға Айтмұхамбет Қасымовтың шәкірттерімен қатар зиялық қауым өкілдері, белгілі журналистер, жазушылар, профессорлар қатысады.

Қатысушылар конференция барысында мерейтой иесін құттықтап, оның шығармашылығына қатысты баяндамалар оқиды.

Сондай-ақ, шәкірттерінен ұстазға тарту ретінде Айтмұхамбет Қасымовтың өмірі мен шығармашылығы туралы бейнеролик ұсынылмақ.

Конференция 26 маусымда сағат 15.00-де өтеді.