ШҚО-ның Алтай ауданында биыл егіс алаңдары 71,7 гектарды құрайды. Өткен жылмен салыстырғанда 0,3 мың гектарға кеңейтілген, деп хабарлайды Altaynews тілшісі.

Егістің көп бөлігін дәнді дақыл мен бұршақ (35,5 мың га), майлы дақылдар (28,2 мың га), картоп, көкөніс, бақша дақылдары, жемшөптік дақылдар құрайды.

Ауданда ресурс ұнемдеу технологиясы бойынша егіс себетін 100 арнайы ауыл шаруашылық техникасы бар. Егіске қажетті тұқым – 9,9 мың тонна. Зертханада 9,7 мың тонна тұқым тексерілген, оның ішінде 1-ші және 2-ші класстағы тұқымның мөлшері 9,6 мың тоннаны құрайды.

Алтай ауданында 130 тоннадан артық гербицид пен 5 мың тоннадан астам минералды тыңайтқыштар сатып алу бойынша келісім-шарт жасалып қойды.

Көктемгі далалық жұмыстарды жүргізуге 2080 тонна дизель отыны бөлінді. Бұл өткен жылмен салыстырғанда 250 тонна көп.