Балаларға арналған коронавирус туралы кітап қазақ тілінде жарық көрді, деп хабарлайды Алтайньюс тілшісі baq.kz-ке сілтеме жасап.
Қазақстандық Steppe and World баспасы ағылшын ғалымдары мен неміс иллюстраторы Аксел Шэффлердің балаларға арнап дайындаған коронавирус туралы кітабын қазақ тіліне аударды.
«Кітапта коронавирус деген не, одан қалай қорғану керек, үйден шықпай отырған неліктен маңызды екені балаларға түсінікті, жеңіл тілде баяндалады. Балалар үйде отырғанда жабығып, мұңайып қалмауы үшін көңіл көтеретін ойнақы тілде жазылған. Кітапты дайындауға қатысқан мамандар жұмысына ақы алған жоқ. Steppe and World баспасы да тегін аударып, тегін таратып отыр», - делінген дереккөздің ақпаратында.
 Ағылшын тілінен аударған – Назгүл Қожабек, қазақша нұсқасын құрастырған – Райса Сайран Қадыр.

Еңбекті әлем балаларының сүйікті кейіпкеріне айналған Груффалоны салған Аксел Шэффлер және Англияның жұқпалы ауру кафедрасының мамандары Nosy Crow баспасында әзірлеп шығарды.