Ашық дереккөздерге сүйенсек, әйелдер күні тарихта әйелдердің теңқұқықтық пен эмансипация жолындағы күресіндегі ынтымақтастық күні ретінде пайда болды. 1975 жыл — Халықаралық әйелдер жылы боп аталғаннан кейін, сол жылдан бастап БҰҰ ресми түрде наурыздың 8-ші күнін Халықаралық әйелдер күні етіп бекітті.

Бұл күн - Қазақстанда демалыс күні. 

Естеріңізге сала кетейік, ШҚО әкімі Даниал Ахметов өңірде тұрақты эпидемиологиялық жағдайды сақтау үшін 3 наурыздан бастап Шығыс Қазақстан аумағында көпшіліктің қатысуымен өтетін бұқаралық іс-шаралар тоқтатылатынын мәлімдеген.
⠀
"Қазіргі уақытта облыстың медициналық мекемелері қажетті құрал-жабдықтармен, дәрі-дәрмектермен толық қамтамасыз етілген. Бұған қоса, ауруханаларда арнайы оқу-жаттығулар өтуде. Сондықтан бұл сақтық шараларына түсіністікпен қарап, қорықпауға шақырамын!
⠀
Сонымен қатар, өзіміздің жергілікті кәсіпорындарда қорғаныс маскаларын жасау туралы шешім қабылданды. Тезарада 500 мың дана маска шығарамыз деген сенімдемін", - деді Даниал Ахметов.