2025 жылы «Ауыл аманаты» бағдарламасын іске асыру аясында Шығыс Қазақстанда ауыл шаруашылығы өнімдерін қайта өңдеу, өсімдік және мал шаруашылығы салаларында 2,5 млрд теңгеге 187 жоба қаржыландырылып, 362 жаңа жұмыс орны құрылды, деп хабарлайды Altainews.kz тілшісі. 

2025 жылы бағдарламаны іске асыруға үш млрд теңге бөлініп, туризмді дамытуға, ауыл шаруашылығы өнімдерін қайта өңдеуге, ауыл шаруашылығы техникасы мен жабдықтарын сатып алуға, сондай-ақ мал шаруашылығын дамытуға бағытталған. 

Қазіргі кезде аталған бағдарламаны жүзеге асыру мақсатында облыста жұмыстар толығымен атқарылуда.

«Ауыл аманаты» бағдарламасы бүгінде көптің назарында. Таяуда ғана мамандар өңірдің барлық аудандарын аралап, ауыл шаруашылығы тауарын өндірушілермен кездесіп, мемлекеттік бағдарламалар жөніндегі олардың пікірлерін тыңдап, ұсыныстарын жинақтап қайтқан.

Бұдан бөлек, өңір фермерлері тарапынан ара шаруашылығы саласын қаржыландыру бағыттарын кеңейтіп, несие қаражаты есебінен омарта жабдықтарын, ара қапшықтарын, ара ұяларын және аналық араларды сатып алуға мүмкіндік беру қажеттігі көтерілген. Сондай-ақ бағдарламаны жүзеге асыру аясына марал шаруашылығын енгізу туралы ұсыныстар да назарға алынған.