«Жеңіске 75 күн». Екінші дүниежүзілік соғыстың 75 жылдығына орай Қорғаныс министрлігі акция бастады. 

Акция аясында әскери қызметкерлер облыс орталығының вокзалында 1942 жылы Өскеменде жасақталған 96-кавалерия дивизиясының туын күтіп алды.

Әскерилер туды қала көшелерімен алып өтті.

– Акция мақсаты – атаулы күнге ерекше көңіл бөлу, соғыс ардагерлеріне қажетті көмек көрсету, өскелең ұрпақты және қоғамды осындай іс-шараларға тарту, отандастарымыз, ата-бабаларымыз Ұлы Отан соғысындағы ортақ жеңіс үшін жасаған ерліктері туралы тарихи естелікке құрметпен қарауды қалыптастыру болып табылады, - деді майор Абзал Таждинов.

– Жеңіс күні жақындаған уақытты санай келе еліміздің барлық түкпіріндегі әскери қызметшілер әр түрлі формат пен көлемдегі іс-шаралармен айналысуда. Мәселен, ескерткіштерді, даңқ аллеяларын, әскери адамдар жерленген зираттарды тазалау және абаттандыру, сонымен қатар «Жас сарбаз» әскери-патриоттық клубтарының тәрбиеленушілерімен бірге ардагерлердің қал-жағдайын біліп, олардың тұрмыс-тіршіліктеріне көмек көрсету және тағы да басқалары, – деді Абзал Таждинов.