Семейде де шетелдік көліктерге алғашқы «сары нөмірлер» беріле бастады.

«Азаматтарға арналған үкімет» корпорациясының ШҚО бойынша филиалының мәліметінше, бірінші тіркелген Lada Vesta көлігінің иесі – Сайрамгүл Қарабиева.

«Көлікті 2018 жылы Ресейден алып келгенбіз. Уақытша тіркеуге қоюға шешім қабылдадық. Құжаттарды маманға бергеннен кейін жарты сағат уақытта жұмысымызды бітірдік», – деді көлік иесі.

Көлік иесі мәшинесіне «1616» деген нөмір алған.

Айта кетейік, Президент 1 наурызға дейін шетелдік көліктерді тіркетуге немесе сатып алған еліне қайта өткізуге тапсырма берген болатын. Сондықтан аймақтағы барлық «АвтоЦОН» мен халыққа қызмет көрсету орталықтары айдың соңына дейін демалыссыз жұмыс істейтінін мәлімдеген.