Қаңтар айында Қазақстанның 15 қаласында пәтер қымбаттаған. Баспана бағасының өсуі бойынша Өскемен және Семей қалалары көш бастап тұр, деп хабарлайды Алтайньюс тілшісі.

Krisha.kz-тің мәлімдеуінше, елімізде пәтер бағасы орташа есеппен 1,7 пайызға өскен. Сарапшылардың айтуына қарағанда, қаңтарда орташа есеппен пәтердің шаршы метрі 214 875 теңгеге жеткен. Бұл желтоқсандағы көрсеткішпен салыстырғанда 4 пайызға көп.

«Өскеменде  пәтер бағасы 3,8 пайызға өсіп, шаршы метрі 225 375 теңгеге жеткен. Семейде пәтер 3,2 пайызға қымбаттап, шаршы метрінің бағасы 190 178 теңге болды», – деп жазылған сарапшылардың зерттеуінде.