Қазақстанда қант қымббаттауы мүмкін, деп хабарлайды Алтайньюс тілшісі BAQ.KZ-ке сілтеме жасап.

Energyprom сарапшыларының айтуынша, елімізде қант бағасы бір тоқсанда 13%-ға көтерілген.  

– Бұл отандық өндіріс үшін оң көрсеткіш емес, – дейді Қазақстандық қант, азық-түлік және қайта өңдеу өнеркәсібі қауымдастығы.

2019 жылы 11 айда 225,4 мың тонна қант өндірілген. Бұл 2018 жылғы көрсеткішпен салыстырғанда бар болғаны 0,7% артық. Дереккөздің мәліметінше, елімізде қант шығаратын 7 зауыт бар, оның тек үшеуі жұмыс істеп тұр. Қалғандарына жөндеу жұмыстарын жүргізу керек. Ал Қазақстанның Ресей және Беларусьтегі қант өндірісімен бәсекелесуі қиын. 2010-2012 жылдары ресейліктер демпинг арқылы отандық өнімдерді ығыстырып, кейін бағаны шарықтатып жіберген болатын.

Қауымдастық өкілдері осындай жағдай қайталана ма деп күдіктеніп отыр.