Лицензиясы жоқ пиротехникалар тәркіленеді, деп хабарлайды Алтайньюс тілшісі.

Бұл туралы Өскемен қалалық полиция басқармасының азаматтық және қызметтік қару айналымын бақылау бөлімінің инспекторы Айдар Манженов мәлім етті.
Ресми деректерге сүйенсек былтыр Өскеменде Жаңа жыл мерекесі қарсаңында 400 келі пиротехникалық заттар тәркіленген.

- Заңсыз от-шашу сататын орындарды тексеру жұмыстары желтоқсан айының 17-сі мен қаңтар айының 5-і аралығында жүргізіледі. Нұсқаулығы жоқ және талаптарға сай емес заттарды біз тәркілеп, арнайы сараптамаға жібереміз, - дейді инспектор.