Өскемендегі «Ақ Ниет» мектеп-интернатының тәрбиеленушісі Айым Серікжан республикалық «Абилимпикис» олимпиадасында чемпион атанды.

«Абилимпикис» – мүмкіндігі шектеулі жандар арасындағы кәсіби шеберлік чемпионаты.

– Айым – біздің талантты шәкіртіміз. Ол майда моншақтармен кесте тігудің шебері десек болады. Құлағы нашар еститіндіктен адамдармен көп қарым-қатынасқа түсе бермейді. Мінезі де ұяң. Сондықтан оған 100-ден астам жас қатысқан үлкен байқауға түсу оңай болмады. Десе де шеберлігімен жеңіске жетті, – дейді қосымша білім беретін мектеп-интернаттың мұғалімі Майнұр Әмірова.

Мектеп-интернаттың ұжымы балалардың жарысқа барып-қайтқан жол ақысын өтеп берген «Қазцинк» кәсіпорынына алғыс айтады.