Алдағы күндері Қазақстанның алты облысында аяз түседі, деп хабарлайды Altaynews тілшісі.

Бұл туралы Төтенше жағдай бойынша Комитеттің баспасөз қызметі мәлімдейді.

19-21 қараша аралығында:

Қостанай, Солтүстік Қазақстан облыстарында сынап бағаны түнгі уақытта минус 20-25, кей жерлерде минус 25-30 градусқа дейін көрсетеді.

Ақмола, Павлодар облыстарында – минус 15-20, кей жерлерде минус 25-30 градусқа дейін күн суытады.

20-21 қараша аралығында:

Қарағанды облысында – минус 22-27, кей жерлерде 30-33 градусқа дейін аяз болады.

ШҚО-да – ауа температурасы минус 18-23 градусқа, кей жерлерде минус 25-33 градусқа дейін төмендейді.

Осыған орай Төтенше жағдай қызметі жедел апаттық-құтқару жұмыстарына дайындалуда.

Бұл күндері адамдарға ауа райындағы өзгерістер мен төтенше жағдай туралы хабарландыруларға мән беру, сондай-ақ, көлікпен не жаяу алыс жолға шықпау ескертіледі.

Боран немесе аяз кезінде жолда қалып қойсаңыздар, 112 номері бойынша көмек сұрау керек екенін еске саламыз.