Семейде құтқарушылар тобы кәсіби мерекелерін атап өтті, деп хабарлайды Алтайньюс тілшісі.

Елімізде Төтенше жағдайлар қызметінің құрылғанына биыл – 24 жыл. Жыл сайын дәстүр бойынша қазан айының 19-шы жұлдызында құтқарушылар тобы мерекелерін атап өтеді. Осыған байланысты шаһардағы құтқарушылар мен тұрғындар өрт кезінде қаза тапқан батырларды еске алып, гүл шоқтарын қойды. Сондай-ақ құтқарушылар үшін арнайы концерттік бағдарлама ұйымдастырылып, қызметте жақсы нәтиже көрсеткен қызметкерлер марапатталды.