Елімізде 2025 жылға қарай полиэтилен пакеттерден толықтай бас тарту жоспарланып отыр, деп хабарлайды Алтайньюс тілшісі.

 Серіктестік туралы сәйкес меморандумға экология, геология және табиғи ресурстар министрліктерінің, Атамекен ұлттық палатасы мен Қазақстанның экологиялық ұйымдар қауымдастығының басшылары қол қойды.

Осы құжаттың аясында полиэтилен пакеттері тегін таратылмайды. Оларды тек сатып алуға болады. Әлемдік тәжірибе көрсеткендей, мұндай жағдайда пластикті тұтыну 30 пайызға төмендейді екен. Меморандум экологияға зиян тигізетін полиэтилен пакеттердің айналымын азайтуда жасалған алғашқы қадам болмақ.

Қазір елімізде био ыдырайтын және қағаз пакеттерді өндірумен айналысатын кәсіпкерлер көп.