Келесі аптада Өскеменде үлкен теннистен халықаралық жарыс өтпек. Бұл туралы «Казцинк» ЖШС-нің әкімшілік мәселелер жөніндегі атқарушы директоры Андрей Лазарев мәлім етті.

– Таяу күндері Өскеменде әлемдік деңгейдегі теннис додасы жалауын желбіретуі тиіс. Оған шамамен 10 шақты елдің кәсіпқой теннисшілері қатысатын болады. Өздеріңіз білесіздер, бұған дейін біздің компания негізінен балалар мен жасөспірімдер арасындағы турнирлерді өткізуге атсалысып келген. Ал биылғы бәсекеге жастар емес, ересектер, ересек болғанда, нағыз кәсіпқой спортшылар қатыспақ. Турнир халықаралық теннис федерациясының бағдарламасына енген. Демек теннисшілер үшін бұл кезекті ұпайларын жинап, жалпы рейтингтегі жағдайын жасқартып алуға тамаша мүмкіндік. Сол себепті, жарыс өте тартысты өтеді деп үміттенеміз, – дейді А.Лазарев.

Оның айтуынша, турнир Өскемендегі «Smash» теннис орталығының корттарында өтетін болады. Осыған байланысты, байрақты бәсеке алдында спорттық нысанда ауқымды жөндеу жұмыстары жүргізіліпті.

А.Лазарев жарысқа кіру тегін болатынын, яғни ойындарды кез келген адам келіп тамашалай алатынын да атап өтті.