Өскеменде жолдың бойында жатқан «күдікті» сумканың кесірінен көлік қозғалысы тоқтатылды, деп хабарлайды Алтайньюс тілшісі.

Біраз уақыт бұрын Абай даңғылы  мен Шәкәрім көшесінің қиылысы жабық болды. Себебі қала тұрғыны 102-ге қоңырау шалып, көше бойында біртүрлі сөмке жатқанын хабарлаған болатын. Барлық жедел қызмет өкілдері табан астында аталған мекен-жайға жетті. Аумақ қоршауға алынды. Көлік қозғалысы тоқтатылды.

– Сөмке «Қазақтелеком» қызметкерінікі екен. Ешқандай қауіп жоқ. Жақын маңда жұмыс істеп жатқан монтёрдің құрал-жабдығы салынған қарапайым сөмке болып шықты. Соның салдарынан трамвай және автокөлік қозғалысы тоқтатылды, – деп мәлімдеді Полиция басқармасы.