Естеріңізде болса, «Қазцинк» кәсіпорны ақпан айында Наурыз мейрамына орай байқау жариялаған болатын. Міне, Ұлыстың ұлы күнінде байқау қорытындыланды. Айфон ұтқандар анықталды, деп хабарлайды Алтайньюс тілшісі.

Ережеге сай, қатысушылар Наурыз мейрамына орай 1 минуттық видео дайындады. Республика көлемінде өткен байқауда 21 жеңімпаз анықталып, олар әртүрлі тұрмыстық техникалық жабдықтар ұтып алды.

Ал 1-орын иегеріне – іРhone XS Max;

2-орын иегеріне – іРhone X;

3-орын иегеріне - іРhone XR табысталды.

Әуелгі бәйгені алматылық қатысушы жеңіп алғандықтан, Өскеменде Спорт сарайында өткен құттықтау шарасына қатыса алмады. Есесіне одан кейінгі жүлдені қанжығалаған өскемендік жүлдегермен тілдесудің мүмкіндігі туды.

Юлия Студенкова – Өскеменде жарнама менеджері қызметін атқарады екен.

– Байқауды ұйымдастырған «Қазцинк» кәсіпорнына ерекше алғыс. Мен дайындаған видеожұмысымда жерлестеріме алты құрлықтағы алуан ұлт өкілдерінің құттықтауын жеткізгім келді, – дейді сужаңа Айфон іРhone XS ұтып алған бикеш.

Юлияның жұмысын кәсіпорынның инстаграмдағы парақшасынан тамашалауға болады.