Шығыс Қазақстанда бүгін қарлы боран соғып тұр. Салдарынан бірқатар аудандардың мектеп оқушылары қашықтан оқуға жіберілді.

Бұл туралы ШҚО Төтенше жағдайлар департаменті мәлім етті, деп хабарлайды Altaynews.kz тілшісі.

Атап айтқанда, Күршім ауданының Ақбұлақ, Ақсуат, Ақши, Қарашілік, Қаратоғай, Марқакөл мектептерінде, сондай-ақ Глубокое ауданының Предгорный, Перевальный ауылдарындағы мектептерде екінші ауысымдағы  сабақтар қашықтан оқу форматына ауыстырылды.