Шығыс Қазақстан облысында құлақтандыру жүйесі тексеріледі.

Қалалар мен аудандарда дабыл сағат 12:55-те қосылады, деп хабарлайды Altaynews.kz.

«13 желтоқсанда орталықтандырылған автоматты құлақтандыру жүйесіне техникалық тексеру жүргізіледі. Соған байланысты дабыл іске қосылып, радиохабарлар тоқтатылады», - деп мәлімдеді ШҚО ТЖД.

Мамандардың айтуынша, дабыл кезінде 104,0 жиілікте «Қазақ радиосын» қосып немесе «Дармен» мобильді қосымшасына кіріп ақпаратты алуға болады.