Шығыс Қазақстан облысында 20-23 наурыз аралығында қар көшкіні жүруі ықтимал.

Алдағы күндері өңірде күн жылынып, жел күшейеді деп болжанды. Мамандардың айтуынша, мұндай ауа-райында қар көшкіні жиі болады, деп хабарлайды Altaynews тілшісі.

«Тауға саяхаттаудан бас тартыңыздар. Тасжолдар бойында бірнеше қауіпті учаске бар. Сондықтан сапар кезінде көлікпен түсіп, жол бойына аялдауға болмайды», - деп жазылған ТЖД хабарламасында.

Өңірде аса қауіпті саналатын алты жол учаскесі бар:

Өскемен-Самар,

Өскемен-Алтай;

Согорное-Барлық;

Берел-Рахманов қайнары;

Зубовка-Путинцево;

Лениногорск-Чекмар кеніші.