Автогаз бағасы қымбаттауы мүмкін - ШҚО
Еліміздің 5 өңірінде сұйытылған газ бағасы қымбаттауы мүмкін.
Бұл туралы Бәсекелестікті қорғау және дамыту агенттігінің Ашық НҚА порталында жарияланған бұйрығында жазылған, деп хабарлайды Altaynews тілшісі Қазақпаратқа сілтеме жасап.
Құжат 17 сәуірге дейін көпшілік талқысында болады.
Енгізілгелі отырған өзгеріске сай, енді мына облстарда сұйытылған мұнай газының құны өседі:
- Алматы қаласы – 65 теңгеден 75 теңгеге дейін;
- Алматы облысы – 70 теңгеден 75 теңгеге дейін. Ал облыс орталығынан 200 шақырым қашықтықтағы елді мекендерде 75 теңгеден 80 теңгеге дейін қымбаттайды;
- Шығыс Қазақстан облысы – 60 теңгеден 70 теңгеге дейін. Ал облыс орталығынан 200 шақырым қашықтықтағы елді мекендерде 65 теңгеден 75 теңгеге дейін қымбаттайды;
- Солтүстік Қазақстан облысы – 70 теңгеден 75 теңгеге дейін. Ал облыс орталығынан 200 шақырым қашықтықтағы елді мекендерде 75 теңгеден 80 теңгеге дейін қымбаттайды;
- Абай облысы – 60 теңгеден 65 теңгеге дейін. Ал облыс орталығынан 200 шақырым қашықтықтағы елді мекендерде 65 теңгеден 70 теңгеге дейін қымбаттайды.
