Мемлекет басшысы қорғаныс министрі Руслан Жақсылықовты қабылдады, деп хабарлайды Altaynews.kz сайты Ақордаға сілтеме жасап.

Руслан Жақсылықов әскерге шақырылатын азаматтарға кредиттік демалыс беру және білім алуға жеңілдіктер жасау үшін қабылданып жатқан шаралар туралы айтты.

"Бүгінде 2,5 мың сарбаздың несиесі кейінге шегерілді және әскери қызметін өтеген 1,5 мың жауынгерге жоғары оқу орындарында оқуға орын бөлінді. Жыл басынан бері мерзімді әскери қызметін өтеп, запасқа шығарылған 700-ге жуық сарбаз жүргізуші, механик, машинист, слесарь, аспаз және еңбек нарығында сұранысқа ие басқа да мамандықтар бойынша білім алды", – делінген хабарламада.

Кездесу соңында Қасым-Жомарт Тоқаев Қарулы күштердің жауынгерлік дайындығын күшейту мәселесіне баса мән бере отырып, бірқатар тапсырма берді.