16 қараша күні ҚР президенті Қасым-Жомарт Тоқаев "Қазақстан Республикасының кейбір заңнамалық актілеріне Қазақстан Республикасының Ұлттық қорынан балаларға арналған қаражатты есептеу, төлеу және пайдалану мәселелері бойынша өзгерістер мен толықтырулар енгізу туралы" ҚР заңына қол қойды.

Дәл осы күні елімізде 20 миллионыншы азамат дүниеге келген болатын. Бұл туралы "Отбасы банк" Басқарма төрайымы Ләззат Ибрагимова айтты, деп хабарлайды Altaynews тілшісі Zakon.kz сайтына сілтеме жасап.

Отбасы банк "Ұлттық қор – балаларға" жобасы операторларының бірі болып есептеледі.

Ләззат Ибрагимова бір жыл бұрын, яғни заңға осы түзетулерді әзірлей бастағанда, елімізде 6,7 миллион бала болғанын, қазір бала саны 7 миллионға жеткенін атап өтті.

Келесі жылдың басында 18 жасқа толғандар бұл қаржыны пайдалана алады.