Қазақстанның электрондық үкімет порталының дерегі бойынша, 2024 жылы жұмыс істейтін азаматтарда тағы 11 қосымша демалыс күні болады, деп хабарлайды Altaynews.kz тілшісі.

Наурыз айында мереке төрт күн болады: 8 наурыз - Халықаралық әйелдер күні, ал 21, 22 және 25-і – Наурыз мерекесінің құрметіне. 25 наурыз, дүйсенбі, демалыс күні болады, өйткені Наурыз үш күн тойланады, ал биыл 23 наурыз сенбіге сәйкес келеді.

Мамыр айында үш қосымша демалыс болады: Қазақстан халқының бірлігі мерекесі (1 мамыр), Отан қорғаушылар күні (7 мамыр) және Жеңіс күні (9 мамыр) құрметіне.

Құрбан айттың бірінші күні 16 маусым жексенбіге келеді (демалыс күнін ауыстыру болмайды).

Содан кейін қазақстандықтар 8 шілдеде демалады. Өйткені 6 шілде, Астана күні сенбіге сәйкес келеді.

Осыдан кейін қазақстандықтар 30 тамызда (Конституция күні), 25 қазанда (Республика күні) және 16 желтоқсанда (Тәуелсіздік күні) демалады. Бұл сәйкесінше екі жұма және дүйсенбі болады.

Айжанат Бақытқызы