Шахматшы Бибісара Асаубаева Грузия астанасы Тбилисидегі Гран-при кезеңінде күміс жүлдеге қол жеткізді, деп хабарлайды Altainews.kz тілшісі.

ҚР ТСМ Спорт және Дене шынықтыру істері комитеті ақпаратына сүйенсек, шахматтан Ұлттық құрамамыздың көшбасшысы соңғы турда Вейшали Рамешбабумен (Үндістан) тең түсіп, ұпай санын 5,5-ке жеткізді.

Ал Асаубаевамен бірдей келе жатқан Алина Кашлинска (Польша) қарсыласы Мария Музычуктен басым түсіп, 6 ұпаймен жеңімпаз атанды.

Жалпы Бибісара Тбилисиде әуелі Сарасадат Академалшариехті (Испания), сосын 7-турда Александра Костенюкті (Украина) ұтты. Қалған партияның бәрінде қарсыласпен тең тарқасқан.

Бибісара - бұл турнирді жеңіліссіз аяқтаған шахматшының бірі.