Өскемендегі оқушылар шығармашылық сарайы 4 қыркүйекте 11.00-ден 13.00-ге дейін ашық есік күнін өткізеді, деп хабарлайды Алтайньюс тілшісі.

Хореография, бейнелеу өнері, вокалдық студиялар, театр үйірмелері... Осы үйірмелерге кімдер жазыла алады? Қай жастан бастап? Жасөспірімдерге арналғаны бар ма? Оқу тегін бе? Ата-аналар осындай сауалдарға жауап табады бұл күні. Сондай-ақ шығармашылық сарайының мұғалімдерімен бетпе-бет тілдесіп, студияға жазылып кетуге мүмкіндік бар. Іс-шара соңында шәкірттер концерт те қояды.

Оқушылар шығармашылық сарайы Чехов көшесіндегі 63-ші ғимаратта орналасқанын естеріңізге саламыз.