Облыстық маңызы бар «Омбы-Майқапшағай» автокөлік жолы жөнделіп жатыр. Асфальт төсеу жұмыстарын Зайсан ауданының әкімі Серік Зинабекұлы бақылап қайтты, деп хабарлайды Алтайньюс тілшісі.

Аталмыш жолдың 15-ші шақырымынан 31-ші шақырымына дейінгі бөлігі орташа жөндеуден өтеді. Бұл жұмысқа 400 миллион теңгеге жуық қаражат бөлінген. Жөндеу жұмыстарын жыл басында өткізілген конкурс нәтижесінде жеңізпаз атанған «Зайсан құрылыс компаниясы» ЖШС жүргізіп жатыр. Аудан басшысы жөндеу жұмыстарының жоспар бойынша жүріп жатқанына көз жеткізді.